--Ads--
Saanen a nagkinnaso ti agkabsat kalpasan ti panagsinupiat ken panaglinnaban dagitoy itay nabiit idiay Camp Allen, Baguio City.
Iti imbestigasyon dagiti otoridad, inanawa ti 42-anyos a babae ti kabsatna a 46-anyos a lalaki kalpasan a nangngegna ti kabsatna a lalaki nga agisawsawang iti saan a nasayaat a balikas iti nanangda bayat iti pannaturog daytoy.
Malaksid iti dayta, binekkel pay ti lalaki ken inpungotna ti kabsatna a babae.
Nabaelan met ti babae a magaw-at ti kutsilyo iti kabinet santona binagsol ti ima ti lalake.
Inanawa met dagitoy ti kabsatda a lalaki ket dita meten a rinumwar ti lalaki. Naitaray iti ospital ti kabsat a lalaki tapno mataming daytoy. //Bombo Noveh Organo
