--Ads--
Nadangran dagiti dua nga indibidual nga agibyahe iti natengda kalpasan a naaksidente dagitoy idiay Kapuyuan, Central, Buguias.
Iti interview ti Bombo Radyo Baguio kenni Police Senior Master Sergeant Emson Saltin manipud Buguias Municipal Police Station, kinunana a napasamak ti nasao nga aksidente kalpasan a nabitin wenno naawanan ti preno ti lugan rason a natinnag dagitoy iti derraas.
Sigun kenkuana, naggapu dagitoy idiay Bay-o Gambang, Bakun, Benguet tapno ibyaheda ti mula dagitoy a patatas idiay La Trinidad, Benguet idi napasamak ti aksidente.
Dagus met a nagresponde dagiti otoridad ken dagiti residente sadiay rason a dagus a naiturong dagitoy iti pagagasan.
Iti agdama, addan dagitoy iti nasayaat a kasasaad.
