BAGUIO CITY- Agtaltalinaed a number 1 ti siudad ti Baguio iti partial ken unofficial a medal tally ti manarimaan a Cordillera Administrative Region Athletic Association wenno CARAA Meet 2026 iti probinsia ti Benguet.
Maibasar iti kaudian a partial ken unofficial rank, agtaltalinaed a rank 1 ti Baguio City, Rank 2 ti Benguet ken Rank 3 ti Apayao.
Maibasar iti partial and unofficial overall medal tally, nagun-od ti Baguio ti 139 a gold medal, 46 ti Benguet, 27 ti Apayao, Abra a 18, Ifugao a 17, Kalinga a 15, Mt. Province ken Tabuk City a sag pito a gold medal.
Nupay kasta, posible nga agbaliw daytoy bayat nga agtultuloy dagiti dadduma nga ay-ayam.
Iti interview ti Bombo Radyo kenni Edgar Madlaing, Sports Coordinator ti CARAA Meet 2026 kinunana a kaadduan kadagiti Championship games ket maangay intun February 26 ken February 27, 2026.
Dagiti atleta a nakaun-od iti balitok a medalya ken dagitoyen ti mangibagi iti rehion Cordillera para iti Palarong pambansa 2026.
Kabayatanna, pormal nga agleppas ti CARAA Meet 2026 intun Febrero 26 iti oras ti alas dos ti malem.//mp4
