--Ads--
Pimmusay ti dua nga indibidual bayat a nadangran ti walo a katao gapu iti bagyo a Julian.
Daytoy ket sigun iti National Disaster Risk Reduction and Management Council ita nga aldaw.
Maibasar iti report, dagiti pimmusay ket nailista sadiay Ilocos Region ken iti Cordillera Administrative Region bayat a dagiti nadangran ket nairekord manipud sadiay Cagayan Valley.
Dumanon iti agarup 211-K nga indibidual ti naapektaran iti bagyo a Julian kadagiti nagduduma a rehiyon a buklen ti Region 1, 2 ken iti Cordillera.
Kabayatanna, agarup 105 a road sections ti nadadael ken tallo a rangtay ti naapektaran iti rehiyon Cordillera.
Malaksid iti dayta, napasaran ti power outage kadagiti daduma a rehiyon iti pagilian a Pilipinas.
