Agtultuloy ti imbestigasyon dagiti otoridad iti napasamak nga aksidente a nakatayan ti dua nga indibidual ken nakadangran ti uppat pay nga indibidual sadiay Magsaysay Flyover, Baguio City idi parbangon.
Nabigbig dagiti pimmusay a da Cherry Lyn Monte Sasa, 25 years old, awanan asawa, estudyante ken tubo ti Padang Pongayan, Kapangan, Benguet ken ni Rodel Polano, 18 years old.
Nabigbig met dagiti nadangran a da Fe Serafino Trino, 25 years old a residente ti Supang, Itogon, Benguet; 25 years old a residente ti Supang, Itogon, Benguet; Daryll Soligam Pacalso 21 years old, residente ti Cotcot, Buguias, Benguet; Jonar Talabing Taukan, 17 years old, residente ti Madaymen Kibungan, Benguet ken ni Marson Anhibey Sab-it, 18 years old a residente ti Patugong, Bangao, Buguias, Benguet.
Maibasar iti report ti pulisya, paturong sadiay La Trinidad ti Tamaraw FX a nagluganan dagiti biktima nga imanmaneho ni Sasa idi napasamak ti insidente.
Nailanad iti report a nadungpar ti lugan ti concrete railings ti flyover rason a natumba daytoy.Dead on the spot ni Sasa bayat a dead on arrival iti ospital ni Polano.
Agtaltalinaed met ni Trino iti BGHMC nga ada itan iti natalged a kasasaad.Napaawid met da Soligan, Taukan ken Sab-it kalpasan a nataming dagiti nasagrap da a dunor.
