--Ads--
Pimmusay dagiti dua pulo ket uppat nga indibidual bayat a nadangran dagiti uppat a pulo kalpasan a bimtak ti bomba iti railway station idiay Quetta City, Southwestern Pakistan.
Sigun kenni Inspector general of police Mouzzam Jah Ansari, bimtak daytoy bayat a makumikom dagiti pasahero sadiay rason a saanda a nakataray a dagus.
Manipud kadagiti nadakamat a bilang ti pimmusay, sangapulo ket innem kadagitoy ket soldado.
Kabayatanna, dagus met a naitaray iti pagagasan dagiti nadangran para iti pannakataming dagitoy.
Iti agdama, maim-imbestigaran paylaeng ti adda iti likudan ti nasao nga insedente.
