--Ads--
Agpatpataming itan dagiti dua pulo nga indibibual a biktima iti napasamak a vehicular traffic accident sadiay Purok 10, Bakakeng Norte Sur, Baguio City pasado alas sais itay agsapa.
Ti nasao nga aksidente ket nakairamanan ti maysa a pampasahero a jeep ken taxi.
Maibasar iti inisyal nga imbestigasyon ti pulisya mapapati a naawanan iti preno ti nasao a jeep bayat a bumabbaba iti kalsada no sadino ditoy a nadungparna ti taxi sakbay a natumba daytoy.
Iti agdama, padpadasen paylaeng ti Bombo Radyo a mangala iti kanayunan pay a detalye maipapan iti daytoy.
