Inwaragawag ni House prosecution spokesperson a ni Kabataan Party-list Rep. Renee Co a ti kangrunaan a regalo para kenni Vice President Sara Duterte ket ti gundaway a maipaay kenkuana tapno sungbatanna dagiti akusasyon kontra kenkuana babaen iti due process.
Iti maysa nga interview, impeteng ni Co a ni ‘birthday gift ti House Prosecution para kenni VP Sara ket ti pannakaipaay ti constitutional guarantee a maikan daytoy iti umdas a kanito tapno mailatagna ti bennegna iti sanguanan ti Senate Impeachment Court.
“Despite everything that’s happening, ang gift natin kay VP Sara ay ‘yung due process, ‘yung pag-iisa-isa ng mga hakbang sa proseso para kung anumang alegasyon laban sa kanya ay masagot po niya nang maayos,” sigun kenni Co.
Kinarit metlaeng ti mammanday-linteg ti bise presidente nga aramatenna ti impeachment trial tapno direkta a sungbatanna dagiti akusasyon a nakalanad iti articles of impeachment.
Innayona a nabayagen nga ururayen ti publiko ti pammalawagna kadagiti isyu a maibatbato kenkuana. //bombokaren.c.sapirao
