BAGUIO CITY – Mangrugin ti “Dugong Bombo 2020, A Little Pain, A Life To Gain” ti Bombo Radyo Baguio ken Star FM baguio ita nga aldaw gapu iti tarigagay a makaur-ur ti dara para kadagiti agkasapulan a pasyente.
Kabinnadang ti Bombo Radyo Philippines iti nasao a proyekto ti Philippine Red Cross (PRC) – Baguio City Chapter ken maipatungpal daytoy iti innaldaw.
Maipatungpal daytoy iti mismo nga opisina ti PRC-Baguio sadiay Harrison Road.
Dagiti agtarigagay nga agdonar iti dara ket agturongda laeng iti nasao nga opisina mangrugi ita nga aldaw.
Silulukat met ti PRC-Baguio a mangipaay iti libre a transportasyon kadagiti indibidual nga agtaud kadagiti lugar nga addaan iti parikut iti transportasyon.
Dagiti agdonar iti dara ket maipaayan ton iti Dugong Bombo T-Shirt ken miryenda.
