Maipatumpal ti Dynamic Learning program (DLP) a mangsuportar iti pannakaituloy iti edukasion kadagiti pagadalan a naapektaran kadagiti napalabas a bagyo.
Naituding a mairugi ti pannakaisayangkat ti pilot testing iti nasao a programa ita a bulan ti Nobiembre iti agdama a tawen.
Iti pannakiuman iti Bombo Radyo kenni Cyrille Gaye Miranda, pannakangiwat iti Department of Education – Cordillera, kinunana a mangipatpatumpal dagitoyen kadagiti sumagmamano a pagdalan iti addang kas iti “extension of time” iti inaldaw kadagiti Grade 4 angingga Junior Highschool manipud 8:00 AM angingga iti 5:00 PM; dagiti Kirdergateen nga angingga iti 4:30 PM bayat a maur-uray dagiti learnig activity sheet iti Department of Education a mausar iti Dynamic Learning program (DLP).
Malaksid iti dayta, naikeddeng ti kanayunan a 15 minutes kadagiti major subject dagiti studiante iti tunggal aldaw bayat nga online classes dagiti dadduma a subjects nangruna kadagiti Junior Highschool ken Senior Highschool.
Kabayatanna, maipatpatumpal metlaeng ti Alternative communication channel tapno maipaay dagiti bilin kadagiti studiante ken dagiti nagannak dagitoy apaman a makanselar dagiti klase.
Immunan a naiwaras kadagiti sumagmamano a pagadalan iti rehion dagiti Pre-distributed activity sheet sakbay ti panagdalapos iti bagyo ken dadduma pay a kalamidad tapno maaddaan dagiti estudiante iti gundaway a manggun-od kadagiti lesson ken asignaturada bayat iti pannakasuspinder dagiti klase.
Iti agdama, awan pay ti impormasion a naawat ti nasao a departamento no maipatumpal ti Saturday Classes gapu kadagiti pannakasupeder dagiti klasse nga intunda dagiti napalabas a bagyo iti rehion.//mp4
