Agtultuloy a sumaysayaat ti panagdakkel ti ekonomiya iti siudad ti Baguio no idilig kadagiti dadduma a probinsya ken kadagiti highly urbanized city ti rehion Cordillera.
Sigun kenni Aldrin Federico Bahit Jr., Chief Statistical Specialist, ngimmato iti 5.8% ti economic growth iti siudad idi napalabas a tawen.
Kinunana pay a ti gross domestic product iti siudad idi napalabas a tawen ket dumanon iti P178.85 billion nangatngato daytoy no idilig iti P169.02 billion idi 2023.
Maibasar iti report dagitoy ti kangatuan nga economic performance ket ti industriya ti proffessional ken business services no sadino ket ngimmato daytoy iti 12.3%.
Sarunuen daytoy ti industriya ti dadduma a serbisyo nga addaan iti 11.3%; human health and social work activities a 10.52% ken dadduma pay a sector.//Bombo Noveh Organo
