--Ads--
BAGUIO CITY – Dimmur-as iti 12.1 percent ti ekonomiya ti rehiyon Cordillera idi napalabas a tawen.
Sigun kenni Philippine Statistics Authority (PSA) – Cordillera regional director Villafe Alibuyug, P153 billion ti nailista nga ekonomiya ti rehiyon idi 2017, nangatngato no iti P137 billion idi 2016.
Kinunana a ti panagdur-as ti ekonomiya ti rehiyon ti kangatuan iti amin a rehiyon iti pagilian.
Sigun kenkuana, intunda daytoy ti panagdur-as ti sektor ti industriya, partikular iti sub-industries ti manufacturing ken construction a sinaruno ti sektor ti services ken ti sektor ti agriculture, hunting, forestry ken fishing.
Innayonna a ngimmato iti 9.2 percent ti percentage share ti sektor ti industry iti pakabuklan nge ekonomiya ti rehiyon.
