--Ads--
Naglepasen ti panawen ti El Niño, sigun iti state weather bureau ita nga aldaw.
Sigun iti Philippine Atmospheric, Geophysical, and Astronomical Services Administration (PAGASA), ti El Niño iti tropical Pacific Ocean ket nagleppas gapu ta ti oceanic ken atmospheric indicators ket nagsubli iti El Niño Southern Oscillation (ENSO)-neutral levels.
Nu pay kasta, manamnama nga adda ladta ti epekto ti El Niño iti pagilian a Pilipinas.
Maipalagip a ti El Niño phenomenon ket naideklara iti pagilian idi Hulyo 4 idi napalabas a tawen.
Ti El Niño ket ti abnormal a panagbara ti temperatura ti rabaw ti baybay iti central ken eastern equatorial Pacific Ocean a mangituntunda iti below normal rainfall.
