BAGUIO CITY – Bimmaba iti 1.6 percent ti labor force ti rehion Cordillera.
Maibasar iti report ti Philippine Statistics Authority (PSA), manipud iti 65.8 a labor force ti rehion idi October 2016 ket nagbalin a 64.2 idi October 2017.
Ngimmato met iti 96.3 percent ti employment rate iti rehion manipud iti 95.9 percent.
Nailista a ti service industry ti kaaduan iti na-empleyo nga umili ken simmaruno ti agriculture sector.
Naamuan pay a manipud iti mapattapatta a 769,000 nga addaan trabaho iti rehion ket nasurok 464,000 ti lallaki bayat nga agarup 305,000 ti babbae.
Kabayatanna, bimmaba met iti 3.6 percent ti unemployment rate idi October 2017 manipud iti 4.5 percent idi October 2016.
Impannakkel pay ti PSA-Cordillera nga agtaltalinaed a maysa ti Cordillera kadagiti rehion iti pagilian a nakailista iti nangato a labor force participation rate a dimmanon iti 62.1 percent.
