--Ads--
Imbilin ti Philippine National Police (PNP) kadagiti agaplikar ken ag-renew iti lisensiya ti paltog a mangisubmitirda iti ladawan ti safety vault dagitoy.
Sigun kenni Brig. Gen. Melecio Buslig Jr., masapul a makita iti nasao a ladawan ti aplikante ken ti nakatulbek a safety vault ti paltog.
Daytoy ket kasaruno dagiti insidente ti pammaltog kadagiti pagadalan iti pagilian.
Pakairamanan ti insidente iti Banga National High School sadiay South Cotabato no sadino, maysa a Grade 9 student ti nagaramat iti paltog kalpasan a dinadadaelna ti safety vault a nakaidulinan daytoy.
Pina-ingetan ti PNP ti pannakaipatungpal ti Republic Act 10591 tapno malapdan ti saan nga umno a pannakagun-od ken pannakaaramat ti paltog.
