MIAMI — Umabante ang England sa semi-finals ng World Cup matapos talunin ang Norway, 2-1, sa extra time noong Sabado sa Miami Stadium.
Pinangunahan ni Jude Bellingham ang England sa pamamagitan ng dalawang goal, kabilang ang game-winning rebound sa ikatlong minuto ng extra time matapos ang long-range shot ni Morgan Rogers na naisalba ni goalkeeper Orjan Nyland.
Naunang umiskor ang Norway sa ika-36 minuto sa pamamagitan ni Andreas Schjelderup, bago itabla ni Bellingham ang laban bago matapos ang first half.
Makakaharap ng England ang Argentina sa Miyerkules sa Atlanta para sa puwesto sa World Cup final.
Sa kabila ng panalo, inamin ni England coach Thomas Tuchel na hindi siya nasiyahan sa naging laro ng kanyang koponan.
Samantala, taas-noong nagtapos ang kampanya ng Norway sa kanilang unang World Cup appearance sa loob ng 28 taon sa kabila ng pagkabigong makausad.
