Umabante ang Argentina sa semi-finals ng World Cup matapos pataubin ang Switzerland, 3-1, sa extra time noong Sabado, na nagpapanatili sa kampanya nitong maipagtanggol ang kampeonato.
Sina Julian Alvarez at Lautaro Martinez ang nagselyo sa panalo ng Argentina matapos umiskor sa extra time.
Naunang nagbigay ng bentahe ang Argentina sa ika-10 minuto nang maipasok ni Alexis Mac Allister sa pamamagitan ng header ang sulok na sipa ni Lionel Messi.
Nakabawi ang Switzerland sa ika-67 minuto sa goal ni Dan Ndoye upang itabla ang iskor at itulak ang laban sa extra time.
Lalong nabawasan ang pag-asa ng Switzerland nang mapatalsik si Breel Embolo sa ika-72 minuto matapos pagtibayin ng Video Assistant Referee (VAR) ang kanyang paglabag.
Sa semi-finals, makakaharap ng Argentina ang England, na nanaig laban sa Norway, 2-1, matapos din ang extra time. Gaganapin ang kanilang sagupaan sa Miyerkules sa Atlanta.
