MT. PROVINCE – Nangisayangkat ti 1502nd Maneuver Company ti Regional Mobile Force Battalion 15 (RMFB15) ti clean-up drive idiay Sabangan, Mountain Province.
Daytoy ket iti panggep a makatulong iti panangpatalinaed iti kinadalus ti aglawlaw.
Nakipaset met laeng iti clean up drive dagiti Grade-9 agingga Grade-11 ti Sabangan National High School kas paset ti Youth Empowerment Symposium ken ti “Sulat Kamay” iti RMFB15.
Panggep daytoy nga aktibidad a pasayaaten ken palawaen ti environmental awareness iti komunidad ken maital-o ti waste reduction ken recycling kadagitoy.
Malaksid iti dayta, panggep pay daytoy a maparegta ti pannakipaset ken panagtitinnulong ti komunidad ken mangpataud iti pannakipaset dagiti estudyante kadagiti nasao nga aktibidad.//Bombo Jez Lapizar
