Immanugoten ti Estados Unidos ken Iran nga isardengdan ti panagbinnales. Daytoy ti inwaragawag ni Pakistani Prime Minister Shehbaz Sharif ita nga aldaw.
Sigun kenni Sharif, maaddaanda iti official signing ceremony idiay Switzerland inton Biyernes para iti nasao a katulagan.
Kinumpirmar met ni US President Donald Trump iti social media account daytoy ti nasao a damag no sadino impettengna a nakumpleton ti katulaganda iti Islamic Republic of Iran.
Nabukkel ti nasao a katulagan iti baet ti insayangkat ti Israel nga airstrike idiay Lebanon, a nakaawat iti pammabalaw manipud Iran kasta metten kenni US President Trump.
Awan pay laeng ti kumpleto a detalye seknan iti nasao a katulagan ngem sigun kenni Sharif, karaman kadagiti nagtulagan dagitoy ket ti dagos ken permanente a panangisardengda iti amin a militar operations idiay Lebanon.
Sigun met kenni US President Trump, naituding ti panaglukat manen ti Strait of Hormuz kalpasan iti inpatungpal dagitoy a naval blockade sadiay.
Innayon pay daytoye mabalinen a dumalan sadiay dagiti barko ken suplay ti petrolyo para iti world market. //bombokaren.c.sapirao
