--Ads--
Anya kadi ti aramidem nu maawat mo ti parcel mo ngem scorpion ti linaonna?
Saanen a baro daytoy a pasamak ngem naisangsangayan ti kapadasan ti 18-anyos nga estudyante gapu ta karaman ti scorpion iti linaon ti parcel daytoy.
Impagarup ni Sofia nga ay-ayam laeng ti nainayon iti orderna a boots ngem nakigtot laengen daytoy idi naggaraw ti nasao a banag.
Dagus nga inrikep ni Sofia ti package ken impakaammo kadagiti kakadwana ti nasarakanna.
Dagus met a nagkiddaw ti tulong dagiti kakadwana iti National Centre for Reptile Welfare para iti umno a panaka-handle daytoy.
Kabayatanna, saan a daytoy ti umuna a gundaway a nakaawat ti nasao a center iti kapada a reklamo.
Nailadawan ti nasao nga arachnid kas Olivierus martensii wenno Chinese scorpion.
