BAGUIO CITY – natiliw ti maysa nga estudyante iti buy-bust operation nga insayangkat dagiti otoridad iti deppaar ti Lake Drive sadiay Burnham-Legarda Barangay ditoy siudad ti Baguio idi rabii kalman.
Nabigbig daytoy a ni KIEV CUTENG BESTOTON, 21-anyos, baro ken residente ti Pinsao Pilot Barangay, Baguio City.
Nakumpiskar kenkuana ti maysa a tubular form ti maatap a napagango a marijuana nga agdagsen ti agarup nasurok 250 grams ken addaan ti standard drug price a P30,000.
Narekober metlaeng iti ikotna ti naaramat a buy-bust money ken nakumpiskar pay ti cellphone nga inaramatna a nakitransaksion iti operatiba.
Maibasar iti report, ni Bestoton ket agar-aramat ti marijuana ken daytoy ti kaunaan a gundaway a nagilako ti iligal a droga.
Iti agdama, sumangsango daytoy ti kaso a panaglabsing iti Comprehensive Dangerous Drugs Act of 2002. (-report ni Bombo Janice Denis)
