BAGUIO CITY – Pinapatay ken rinames ti maysa a lalaki ti bukodna a kasinsinna sadiay Luna, Apayao.
Sigun kenni PSI Benedict Cortes, hepe ti Luna PNP, ti suspek ket nailinged iti nagan nga Owel, agtawen iti 27 ket mangmangged iti maysa a poultry farm bayat a ti biktima ket maysa a 2nd year student ken agpada dagitoy a residente ti Bry. San Jose, Luna, Apayao.
Kinuna ni Cortes nga iti imbestigasion nga impatungpalda ket adda dagiti nangipaay iti testimonia a nakakita iti panangsurot ti suspek iti biktima.
Nasakaran dagiti otoridad iti nakapasamakan ti pammapatay dagiti kagawaan ti suspek kas iti motorsiklo daytoy.
Nagresulta daytoy iti dagus a pannakakemmeg ti suspek nga ita ket sumangsango iti kaso a rape with homicide.
Naammuan iti imbestigasion a binekkel ken pinang-ur ti suspek ti biktima sakbayna daytoy a rinames.
