Manamanama a mangrugi ita a tawen nga agaramat ti Balkan country a Bulgaria iti euro kasaruno ti panagbalin daytoy a maika-21 kadagiti European nation a nangadaptar iti nasao a currency.
Ti euro ket ti official currency iti European Union (EU) nga agserserbi metlaeng a unified currency kadagiti miembro daytoy a pakairamanan iti Bulgaria para iti naparparatak a trade ken travel kadagitoy.
Ti Bulgaria ket nagbalin a miembro iti EU sipud January 1, 2007 ken nagbalin a paset daytoy iti Schengen Area idi March 2024.
Ti EU ket addaan kadagiti 27 a miembro rason a kalpasan ti panagadaptar iti Bulgaria iti euro ket adda laengin iti innem a miembro nga agar-aramat kadagiti bukodda a currency pakairamanan iti Czech Republic, Denmark, Hungary, Poland, Romania ken ti Sweden.
