Inlawlawag ni Atty. Julius Torres, ti Regional Director iti Commission on Elections-Cordillera nga apaman a mangrugi ti campaign wenno election period ket masuspindir dagiti permit dagiti addaan iti paltog wenno explosives.
Daytoy ket tapno saandan a maitugot dagiti armasda iti ruar iti pagtaenganda maitunos iti paglintegan seknan iti gun ban.
Nupay kasta, mabalin latta nga agaplikar dagiti daduma nga agngayangay iti Commission on Elections iti panakailaksid dagitoy nangruna nu maibilangda kas high risk individual.
Iti bileg iti gun ban, limitado laeng daytoy kadagiti paltog ken explosives.
Kaspangarigan matiliwan dagiti agngayangay nga addaan iti awit nga immuko, badang, ken daduma pay a maiparit nga armas, mabalin a sumango dagitoy iti illegal possession kadagiti deadly weapon.//Bombo Rob Dominguez
