Manamnama nga amin dagiti pagadalan iti rehiyon Cordillera ket mangipatungpalen ti face to face (FTF) classes iti sumaruno nga school year.
Iti interview ti Bombo Radyo Baguio kenni DepEd Cordillera Regional Director Estela Cariño, kinunana nga nasuroken iti 1-K dagiti pagadalan a nangrugin iti face to face classes kagiddan ti panagrugi ti 4th Quarter ti Scool Year 2021-2022.
Agtultuloy met a manayunan ti bilang dagitoy kagiddan dagiti mangipros-proseso pay iti requirements a kidkiddawen dagiti otoridad.
Imbinglayna a malaksid kadagiti estudyante ken mannursuro a makipaspaset iti FTF, adu pay ti bilang dagiti estudyante nga agkedked pay a makipaset iti daytoy.
Inlawlawagna met a kangrunaan a makiddaw ti parent/guardian consent kadagiti estudyante tapnu mapalubosanda a makipaset iti FTF.
Impasiguradona met a kanayun a maikonsidera ti pammilin ti gobierno ken ti Inter-Agency Task Force iti implentasyon ti face to face classes kabayatan ti pandemya.
