Nagballaag ti Department of Health (DOH) a saan nga umdas dagiti water filtration devices tapno masigurado a natalged nga inumen ti danum, nangruna no mapasaran ti epekto ti super El Niño.
Imbalakad ti DOH a dalusan nga umunda ti narugit a danum tapno saan a mapullatan dagiti filter.
Sigun kenni Health Assistant Secretary Tagumpay Maniquis, saan nga ikkaten ti filter dagiti amin a mikrobio.
Gapu iti dayta, mairekrekomendar ti panagpaburek iti danum wenno panagaramat iti chlorine tablets tapno mapapatay dagiti bakteria ken virus.
Maibalbalakad metlaeng iti publiko nga agpakonsulta iti local health office para iti umno a pannakaaramat dagitoy a pamay-an.
Maipalpalagip metlaeng kadagiti agar-aramat iti water filters a siguraduenda a nakarehistro dagitoy iti Food and Drug Administration (FDA).
