--Ads--
Inwaragawag ti Department of Health (DOH) nga awan ti nailista dagitoy a kaso ti hantavirus iti pagilian ita a tawen.
Sigun kenni DOH spokesperson Undersecretary Albert Domingo, awan ti nailista a kaso ti nasao a virus iti pagilian, kasaruno ti ipupusay ti tallo a pasahero ti Antlantic cruise ship.
Kabayatanna, kinuna ni Infectious diseases expert Dr. Rontgene Solante a numan pay awan ti kaso ita a tawen, adda dagiti immun-una a kaso ti hantavirus ditoy pagilian.
Nupay kasta, impettengna nga awan ti rumbeng a pagdanagan.
Maipalagip a ti hantavirus ket impeksion a mayakar manipud iti rodent ken tattao.
Masansan a sintomas daytoy ti gurigor, sakit ti ulo, sakit ti tian, pannakaulaw wenno panagbakwar.
