Manarimaan ti imbestigasyon ti Department of Health (DOH) iti report seknan iti maysa nga ubing a pimmusay kasaruno ti implementasyon ti Phase 3 ti Measles-Rubella Supplemental Immunization Activity (MR-SIA).
Sigun iti DOH, manarimaan ti koordinasyona iti local government units ken dadduma nga ahensiya para iti nainget nga imbestigasyon.
Kas paset ti imbestigasyon, manarimaan ti panangripaso dagiti eksperto iti clinical records, vaccination history, laboratory test results ti ubing, karaman dagiti dadduma nga impormasyon a makatalong tapno mabigbig ti pundo a rason ti ipupusay daytoy.
Inyunay-unay ti ahensiya a saan a dagus a ti bakuna ti rason kadagitoy nga insidente.
Gapu iti dayta, kasapulan a dumalan iti nainget a panagsukimat ken imbestigasyon dagiti eksperto.
Kabayatanna, guyguyuguyen ti DOH ti publiko a liklikan ti pannagaramid iti konklusyon wenno panangibinglay iti saan a beripikado nga impormasyon bayat nga agtultuloy ti imbestigasyon.
Innayun ti ahensiya nga agtaltalinaed a natalged ken epektibo ti nasao a bakuna kontra kadagiti sakit a mabalin a maliklikan babaen iti daytoy a kas iti Tigdas ken rubella.
