Maramrambakan ita nga aldaw ti Fiesta Hiraya id Cordillera iti Newtown Convention Center, Baguio City.
Panggep daytoy a programa a bigbigen ti creative industry iti Rehiyon Cordillera ken guyuguyen dagiti umili a saan a mabutbuteng a serreken ti creative sector.
Ti programa ket dinar-ayan dagiti nagduduma nga opisyales iti lokal a gobyerno iti Baguio City, kasta met dagiti regional directors ti Department of Trade Industry -Cordillera, Department of Tourism-Cordillera, ken dadduma pay.
Malaksid kadakuada, nakipaset metlaeng dagiti delegado a nangibagi kadagiti nagduduma a probinsya iti Rehiyon.
Iti panangipaay ni Undersecretary Rafaelita Aldaba ti Creative Industry Group, kinunana a namnamaenna nga ad-adda pay a mapapigsa ti creative industry ken maipaayan iti pokus ken atensyon gapu ta dakkel ti maitulong daytoy iti panagdur-as iti kultura, tradisyon ken ekonomiya iti Rehion Cordillera.
Kabaytanna, dagiti programa para iti Fiesta Hiraya id Cordillera nangrugi ita nga aldaw ken agleppas inton bigat nu sadino nagduduma a cultural presentations ken forum maipapan iti Creative Industry ken Artistic fields ti maisayangkat.//Bombo Jez Lapizar
