Baguio City — Naragsak ken agyamyaman ita ni Filipino trainer a ni Marvin Somodio kalpasan a ma-induct wenno mairaman isuna kas baro a myembro ti National Boxing Hall of Fame a naisayangkat idiay Montebello, California, USA.
Sigun iti Pinoy coach, agingga iti agdama ket saan daytoy a mamati a kakadwa nan dagiti nalalatak a boksingero ken indibidwal a nakaited ken nakaipaay iti dakkel a kontribusyon iti tay-ak to boksing.
Umuna a pinagyamanan na ti legendary ken kapada na a Hall of Famer a ni Coach Freddie Roach, a nakadiskubre kenkuan idiat Shape Up Gym ditoy Baguio City, nangruna nu mangisayangkat iti high-altitude training ni Manny Pacquiao para sa kadagiti championship fights.
Manipud iti panagbalin na a fitness trainer, ditoy nga sinurwan ni Roach ni Somodio tapno serreken ti lubong ti boksing. Insurot ni Roach isuna idiay Wild Card Boxing Club idiay Amerika nu sadini ditoy a napasayaat ti laeng na kas boxing trainer.
Isagsagot pay ni Somodio ti balligi na iti pamilya na, dagiti kakailyan a Pilipini ken kadagiti pada na a boxing trainers ditoy Pilipinas.
Sigun kenkuana, napateg a maikkan ti gundaway wenno exposure dagitoy agsipud ta adu dagiti agkakalaeng a Pinoy trainers.
Balakad pay ni Somodio kadagiti pada na a Filipino boxing trainers ken coaches nga agpursige laeng ken ti pannakapaay ket parte ti biag laketdi ket saan a sumuko.
Ni Somodio ti kaunaan a Filipino trainer a na-induct iti National Boxing Hall of Fame ken kakadwa na iti Class of 2026 dagiti beterano a sigud a world champions kas kada Erik Morales, Timothy Bradley, Wilfredo Gómez, ti agama a da Félix Trinidad at Félix Trinidad Sr. ken dadduma pay./JTablac
