Tiniliw dagiti otoridad ti maysa nga armado a lalaki iti golf course ni US President Donald Trump iti Rancho Palos Verdes, California, dua nga aldaw sakbay ti panagbisitana sadiay.
Nabigbig ti suspek a ni Jeanine John Taele, agtawen iti 38, a naimatangan a mangal-ala iti ladawan ken video bayat iti mapapati a panagmonitorna iti seguridad iti golf course.
Narekober kenkuana ken iti luganna ti paltog, dagiti magazine nga addaan iti hollow-point a bala, ken dadduma pay nga armas.
Iti naisayangkat nga operasion iti pagtaenganna, nasarakan metlaeng ti assault-style rifle, bulletproof vest, dagiti bala ken notebook nga addaan iti makapadanag nga statement.
Agtultuloy nga im-imbestigaran iti Los Angeles County Sheriff’s Department ken FBI ti insidente bayat nga ad-adalen dagiti fiscal ti posible a panangipila iti kaso.
Nakadanon ni Trump iti golf club idi Martes para iti maysa a fundraising event iti Republican National Committee.
