Mangdiadiaya ita ti pagilian a Finland iti nagduduma nga oportunidad para kadagiti kayatda nga agtrabaho abroad.
Dumanon iti agingga P100-K ti ipaayda a sweldo tunggal bulan ken mabalin pay a maitugot ti pamilya iti Northern European country.
Ti Nordic nation ket agkaskasapulan kadagiti skilled workers, hotel and tourism workers, restaurant staff, IT personnel, ken healthcare workers kas iti nursing staff ken caregivers.
Ti Finland ket addaan iti polisiya a nu ti foreigner worker ket addaan iti umdas a sweldo, mapalubosan daytoy a mangitugot iti pamilyana iti nasao a pagilian ken ditoyda nga agnaed bayat ti panagtrabahona.
Kabayatanna, binallaagan met ni Department of Migrant Workers Secretary Hans Cacdac ti publiko nga agridamda kontra kadagiti bogus a trabaho a maipabpablaak iti social media tapno maliklikan ti pannakabiktima manipud kadagiti illegal recruiters.
Inyunay-unay ni Cacdac iti publiko nangruna kadagiti agtartarigagay a makatrabaho iti dadduma a pagilian a bisitaenda ti opisina dagiti respective local office ti Department of Migrant Workers.
