Nababbaba ti bilang dagiti nailista a kaso iti fireworks-related injuries manipod December 21, 2025 agingga January 5, 2026 nu idilig kadagiti nailista iti kapada a petsa idi 2024 agingga 2025.
Sigun kenni Health Secretary Teodoro Herbosa, pakabuklan a 720 a kaso ti nailista iti agdama a 14% a nababbaba ngem idi December 2024 agingga January 2025.
Sigun iti opisyal, kaadwan kadagiti klase iti palibang a gapuanan dagiti dunor ket ti kwitis, 5-star, whistle bomb, boga ken ti piccolo.
Iti baet a bimmaba ti kaso ti fireworks-related injuries, ngimmato met dagiti nailista a road crash injuries iti kapada a period.
Maibasar metlaeng iti datos ti nasao nga ahensya, dimmanon daytoy iti 1,384 a ciento-por-ciento a nangatngato ngem iti 690 a nailista idi December 2024 agingga January 2025.
Sigun iti nasao nga ahensya, 47% kadagiti pasiente ket agtawen iti nagbaetan iti 15 agingga 29.
Iti nasao a bilang, sangapulo(10) dagiti nakumpirmar a pimmusay a pakairamanan dagiti pito (7) a driver iti motorsiklo ken tallo(3) a pedestrians.
Gapu kadagiti nailista a bilang dagiti kaso, imbilang ni Health Secretary Herbosa nga agpada a public health problem ti fireworks-related injuries ken dagiti aksidente iti kalsada kabayatan ti holiday season.
