Dumanunen iti 140 ti kaso ti fireworks-related injuries (FWRI) sakbay ti New Year’s Eve iti pagilian a Pilipinas.
Sigun iti Department of Health (DOH), agtawen iti lima agingga 14 dagiti kaadduan a biktima.
Nailista ti fireworks-related injuries kadagiti 62 a DOH sentinel hospitals iti pagilian, manipud December 21 agingga Dec. 30, 2025
Ti nasao a kaso ket nababbaba no idilig iti 182 a kaso a nailista idi napalabas a tawen.
Sigun pay iti DOH, kadawyan a nangitunda iti pannakadangran dagiti biktima ket ti kwitis, imported pyrotechnics, pla-pla ken whistle bomb.
Nailista dagiti kaso iti Metro Manila a dumanon iti 60, Western Visayas a 14 ken Central Luzon a 13.
Kabayatanna, inlawlawag ni Health Secretary Ted Herbosa nga amin a fireworks injuries ken maibilbilang a dirty wounds ken tetanus-prone wounds.
Gapu iti dayta, ibalbalakadna kadagiti nagannak a dagus nga iturong iti emergency department dagiti annakda a nadangran iti paputok.
