Inlawlawag ni La Trinidad Mayor Roderick Awingan a manarimaan paylaeng a maimunmuntar ti flood control iti bolo creek no sadino, saan paylaeng a nalpas ti siphon technology.
Iti panakiuman ti Bombo Radyo kenkuana, kinunana a mauray paylaeng a malpas daytoy tapno maimatangan nu epektibo.
Sigun kenkuana iti kanito a saan nga effective ket possible a masukatan wenno adda ti dadduma a maaramid a pagsayaatanna.
Immunan met nga impakaammo ti mayor nga ammo-na laeng nga adda ti maar-aramid a proyekto ti Department of Public Works and Highways ngem saanna nga ammo ti specification ti nasao a proyekto.
Nupay kasta, kinunana a nakatungtongnan ti district engineer sadiay.
Gapu ti dayta, agkidkidaw daytoy iti panakaawat, cooperation, colaboration ken ti agtultuloy a partnership kadagiti publiko ken establishment para ti naurnos a panagbasura ken panagdalus kadagiti kanal.
Daytoy ket gaputa sumagmamano kadagiti drainage wenno kanal iti nasao a munisipyo ket napullatan iti adu a graba ken darat.//Bombo Noveh Organo
