Nagballaag ti Food and Drug Administration (FDA) iti publiko maipapan iti peke a paracetamol tablets.
Sigun kenni Food and Drug Administration (FDA) Director General Samuel Zacate, ti pakabigbigan ti peke a paracetamol a tableta ket addaan iti sabali a lot number, capsule, pattern design, ken hitsura.
Gapu iti dayta, nagpalagip ti Food and Drug Administration (FDA) iti publiko a gumatang laeng dagitoy iti agas kadagiti Food and Drug Administration (FDA)-licensed establishment wenno botika tapno maliklikan ti anyaman nga epekto daytoy iti salun-at.
Malaksid iti dayta, nagballaag pay ti nasao nga ahensya kadagiti establishimento a liklikanda ti mangilako kadagiti peke nga agas agsipud ta mabalin dagitoy a makasoan gapu iti panaglabsingda iti Republic Act No. 9711 wenno ti Food and Drug Administration Act of 2009 ken ti Republic Act No. 8203 wenno ti Special Law on Counterfeit Drugs.
