Inaklon ti Office of the Ombudsman a padpadasen latta ni sigud a House speaker Martin Romualdez a rummuar iti pagilian iti baet ti precautionary travel ban kontra kenkuana.
Sigun kenni Assistant Ombudsman Mico Clavano, nakaaawat ti opisinada iti intelligence reports seknan iti panangpadas ni Romualdez a rumuar iti Pilipinas.
Gapu iti dayta, imbilin ti Ombudsman kadagiti amin a maseknan nga ahensiya a siguraduenda a saan a makapanaw ni Romualdez.
Kabayatanna, naituding nga ipila ti Ombudsman ti nagsina a reklamo para iti preliminary investigation kontra kenni Romualdez ken sigud nga Ako Bicol party-list lawmaker Zaldy Co nga agdama a sapsapulen dagiti otoridad.
Ti nasao a reklamo ket mainaig paylaeng iti multibillion-peso flood control scandal, alegasyon ti plunder ken panaglabsing iti Anti-Money Laundering Act.
