Binilin ti Sandiganbayan Third Division ti Bureau of Jail Management and Penology (BJMP) a mangisumitir iti detalyado a report seknan iti nagturturungan ni sigud a House speaker ken Leyte Rep. Martin Romualdez sipud idi naibalud daytoy iti New Quezon City jail sadiay Payatas idi Setiembre 2026.
Naipaulog ti nasao a pammilin idi Huebes, Nobiembre 05 kas paset ti imbestigasyon seknan iti alegasion ni columnist Ramon Tulfo a rumrumuar ni Romualdez iti pagbaludan.
Immuna nga imbabawi ni Tulfo a palso nga impormasyon ti alegasion daytoy.
Nupay kasta, impaganetget ti anti-graft court a nabilin latta ni Jail Superintendent Lourdes Pacion a mangsukimat iti amin a CCTV footage manipud idi panawen ti pannakayakar ni Romualdez iti pasilidad idi Setiembre 14, 2026, agingga idi Nobiembre 4, 2026.
