![](https://img.bomboradyo.com/baguio/2024/07/SAGADA-MAYOR-AND-WIFE.jpg)
BAGUIO CITY – Pimmusay ni sigud a Sagada Mayor James “Payko” Pooten, ti asawa-na ken dua pay nga indibidual kalpasan a naaksidente dagitoy bayat ti panagbakasyonda idiay Calgary, Canada idi Hulyo 26.
Kadwa ni Payko ti asawana a ni Cymbeline Joan Piluden Lumpias-Pooten, Arlene Guzman- Padalla, ken Jacob Padalla.
Maibasar iti inisyal nga imbestigasyon, nakalugan dagitoy iti sports utility vehicle idi naidungparda iti semi-truck hauling a grain trailer.
Naideklara dagitoy a dead-on-the-spot iti nakapasamakan ti aksidente
Nagsagrap ti minor injuries ti driver ti semi-truck.
Maipalagip a nagturong da Payko ken ti asawana idiay Canada idi Hulyo 18.
Ni Pooten ti chief executive ti Sagada bayat ti Covid-19 pandemic.
Iti agdama, agladladangit dagiti kabagyan ti Pooten ken Padalla, residente, gagayyem ken political leaders manipud rehiyon Cordillera iti nasao a pasamak.