Balligi a naispal ti four-month old a maladaga manipud iti online child trafficking a pinanggep ti ina ken auntie daytoy idiay Taguig City.
Sigun kenni Philippine Chief General Rommel Marbil, naispal ti nasao a maladaga a mailaklako iti dark web bayat ti operasion nga indauluan ti Women and Children Protection Center.
Ti nasao a maladaga ket karaman iti 636 a biktima iti Child Exploitation nga inispal dagiti otoridad manipud idi 2022.
Kinuna ni Marbil a sititibker ti Philippine National Police iti laban kontra iti anya man a kita ti child exploitation iti pagilian.
Impaganetget met ti nasao nga opisial ti dakkel nga akem iti artificial intelligence (AI) iti pannakapasayaat ti imbistigasion, partikular iti panangtubngar iti krimen iti online.
Kabayatanna, indagadag ti nasao nga opisyal nga agtalinaed a naridam ken aktibo iti panagreport iti anya man a posible a kaso iti child exploitation.//mp4
