Naaprobaran iti maikatlo ken pinal a panagbasa iti senado ti People’s Freedom of Information Bill, maysa nga addang a mangpalubos iti publiko a mangkita kadagiti rekord ti gobyerno.
Immanong amin dagiti 24 a senador iti nasao a singasing nga itan ket Senate Bill No. 1432 kabayatan iti plenarry session idi kalman no sadino awan ti nangkontra ken nag-abstrain.
Iti sidung ti nasao a linteg, mabilin amin nga ahensiya ti gobyerno a mangipaay iti access iti aynaman nga impormasyon a kiddawen ti maysa a Filipino citizen.
Mabilin metlaeng iti nasao a linteg ti presidente, bise presidente, Cabinet members, miyembro ti Kongreso, justices of the the Supreme Court, miyembro ti constitutional bodies ken military officials nga iparangda iti publiko ti statements of assets, liabilities, and net worth (SALN) dagitoy iti website dagiti opisina dagitoy.
Nupay kasta, adda dagiti mailaksid a dokumento kas kadagiti records nga adda pakainaiganna iti national security, law enforcement, ken foreign affairs.
Maipalagip a naipasa iti lower house ti kapada a gakat iti committee level idi laeng Marso. //bombokaren.c.s
