Pinalubosan itan ti Bureau of Immigration (BI) dagiti frontline personnel a nakapuesto kadagiti airports a kablaawan dagiti pasahero bayat ti panawen ti bakasion.
Inlawlawag ti pannakangiwat ti Bureau of Immigration (BI) a ni Dana Sandoval nga awan ti dakesna ti panangkablaaw kadagiti pasahero iti Merry Christmas gaputa paset daytoy ti nabara a kultura dagiti Pilipino.
Nupay kasta, saan latta a mapalubosan dagiti personnel nga umawat iti aniaman a kita ti regalo wenno token, sigun paylaeng kenni Sandoval.
Immuna nga imparit ti Bureau of Immigration (BI) kadagiti personnel ti nasao nga ahensia nga agkablaaw gaputa mabalin ipagarup dagiti pasahero a kas panagkiddaw daytoy iti regalo.
Pinalagipan met ni Sandoval dagiti frontline personnel ti Bureau of Immigration (BI) nga agbalinda nga “inclusive” iti dadduma a pasaheros a saan nga agramrambak ti Paskua.
Kabayatanna, kinuna ni Sandoval a mapatta-patta a 110,000 a pasaheros 110,000 ti sumangpet tunggal aldaw bayat ti peak holiday season.
