Nakasaganan ti dokumento ken manamnama a maipila ita nga aldaw ti kaso a frustrated homicide kontra iti 33-anyos a nangpaltog iti live-in partnerna idiay Bakakeng Drive, Bakakeng, Baguio City itay kanikadua.
Iti panakiuman ti Bombo Radyo kenni PMaj. Harriet Bulcio, panakangiwat ti Baguio City Police Office, nag-apa ti suspek ken ti 28-anyos a biktima sakbay a napasamak ti nasao a krimen.
Kinuna pay ni PMaj. Bulcio a kritikal ti kasasaad ti biktima gapu ta natamaan ti spinal cord daytoy ken manamnama a maipasidong iti operasyon.
yung bala po ay pumasok po sa katawan niya, kaya inaantay po na maoperahan po siya.medyo kritikal nga po kasi base sa findings o medical certificate ng biktima ay nahagip yung kanyang spinal cord.
PMaj. Harriet Bulcio- Public Information Officer- Baguio City Police Office
Iti agdama, agtultuloy ladta ti maisaysayangkat a follow-up investigation ken panakikoordinar ti kameng ti pulisya kadagiti daduma pay a maseknan nga ahensya para iti panakasarak ti aglemlemmeng a suspek.//Bombo Rob Dominguez
