Maisaksakad iti senado ti gakat a mangiparparit iti panangitandudo kadagiti aktibidad a panagsugal online.
Ti gakat wenno Senate Bill 2602 ket impila ti chairperson ti Senate Committee on Public Information and Mass Media a ni Senator Robin Padilla.
Sigun iti mammanday-linteg, ti nasao a gakat ket maibilang nga instrumento tapno maikkat wenno makkisayan ti “exposure” ken epekto ti panagsugal iti publiko nangruna kadagiti agtutubo a posible a mangdadael iti maysa nga indibidual, pamilya ken kasta met iti komunidad.
Napaliiw gamin ni Padilla a ti panagsugal ket agresresulta iti pannakaadik, “criminal activities”, ken pakaseknan iti “social” a mangdadael iti moral ti maysa a tao.
Iti sidong ti nasao a gakat, nadutukan ti Department of Justice a mangipaay ti “disabling order” a manglapped iti panaka-access dagiti content a mainaig iti panagsugal iti online babaen ti panangipakaamo ti Department of Information and Communications ken National Telecommunications Commission.
Siasinuman nga indibidual a maduktalan a mangipabpablaak ti anyaman a panagsugal online ket posible a maibalud ti innem agingga maysa a tawen wenno maikkan ti pannusa a P300,000 agingga P500,000.
