--Ads--
Inwaragawag ti Palasyo Malakanyang a dumanon laengen iti 52 nga aldaw ti suplay ti petrolyo iti pagilian sipud idi April 21.
Nupay kasta, kinuna ni Palace Press Officer Claire Castro nga imbilin ni President Ferdinand “Bongbong” Marcos Jr. ti pannakaipasigurado nga agtultuloy ti suplay ti produkto a petrolyo iti pagilian.
Iti agdama, dumanon iti 471,000 a bariles ti lana ti simmangpet iti pagilian, bayat manamnama a sumangpet pay ti 1 million a kanayunan a bariles.
Kabayatanna, nasurok 977,000 a PUV drivers ti naipaayan iti tulong bayat a 373,000 dagiti nagnumar iti fuel subsidy program.
