--Ads--
BAGUIO CITY – Posible a maipasa ita a lawas iti Kongreso ti House Bill 4649 wenno ti maiksaksakad a linteg para iti panagbalin ti Cordillera kas Autonomous Region.
Kinuna ni Ifugao Rep. Teodoro Baguilat Jr. a posible a marebisa ti nasao a gakat sakbay nga aprobaran daytoy ti dadduma a kongresista.
Kinunana a karaman kadagiti posible a mabaliwan ti bingay ti rehion manipud iti national wealth, panakasingir ti buis ken ti maawat ti rehion a subsidiya.
Immunan a kiniddaw ni Regional Development Council – Cordillera ken Baguio City Mayor Mauricio Domogan ti naparpartak a panakaipasa ti nasao a gakat iti Kongreso.
