BAGUIO CITY – Manamnama nga intense ken exciting ti umuna a laban ti Dallas Mavericks ken Boston Celtics iti Game 1 ti National Basketball Association (NBA) Finals idiay TD Garden, Boston ita nga aldaw.
Iti panakiuman ti Bombo Radyo kenni Jogin Tamayo, Basketball Analyst, patas ti potential ti dua a bunggoy.
Nupay kasta kas maibasar kadagiti prediksyon dagiti tattao, dakkel ti tsansa a mapagtalinaed ti Boston Celtics ti panangabakda kontra iti Dallas Mavericks.
Sigun kenni Tamayo, manamnama a da Luka Dončić ken Kyrie Irving ti mangidaulo iti Dallas Mavericks bayat a da Jayson Tatum ken Jaylen Brown ti mangidaulo met iti Boston Celtics.
Kinuna pay ni Tamayo a narigat a mabantayan ni Luka Dončić nu sadino daytoy metlaeng ti inaklon ti coach ti Boston Celtics.
Kabayatanna, manamnama a sumrek ni Jrue Holiday iti Boston Celtics ita Game 1 ti National Basketball Association.//Bombo Mera Pacpacan
