Ginuyugoy ni Senate President Win Gatchalian ti Department of Education (DepEd) a papartaken daytoy ti panagpunno kadagiti baro a posisyon para kadagiti estudyante a learners with disabilities tapno mapalawa pay ti access dagitoy iti suporta ken serbisyo iti pagadalan.
Sigun kenni Sen. Gatchalian, inaprobaran ti Department of Budget and Management (DBM) ti 133 a baro a plantilya a posisyon karamanen dagiti posisyon para iti Senior Education Program Specialists, Education Program Specialist IIs, Physical Therapist IIs ken Occupational Therapist IIs.
Impaganetget pay ti Senate President a napateg a napartak a mafill-upan dagiti posisyon gapu ta paset daytoy iti pannakaipatungpal iti Republic Act No. 11650 wenno Instituting a Policy of Inclusion and Services for Learners with Disabilities in Support of Inclusive Education Act a panggep na mngasigurado iti access dagiti learners with disabilities iti edukasyon ken dadduma pay a serbisyo.
Dagiti baro a posisyon nga inaprobaran iti DBM ket karaman iti addang tapno maaddaan iti ad-ado pay a tattao a mangipaay kadagiti partikular a kasapulan dagiti learners with disabilities.
Nupay kasta, imbinglay ni Gatchalian a dakkel paylaeng ti kasapulan para kadagti eksperto iti inclusive education.//
