Opisyalen a napasilawan ti Christmas Tree iti Session Road, Baguio City itay laeng, Disyembre 1, 2025.
Naaramid ti Christmas Tree manipud iti organic ken natural materials kas iti kawayan kas panangitandudo iti Zero Waste Baguio rason a naawagan daytoy kas Zero Waste Christmas Tree.
Dinesenyo daytoy da Resty Lopez, Joey Quinio, Reydon Amking kenni James Calicdan no sadino naaramat ditoy ti agarup 200 a pidaso ti kawayan a nagapu pay sadiay Bulacan.
Kabayatanna, tinagiragsak met a pinasetan daytoy dagiti adu nga umili, bisita ken dadduma pay a dimmar-ay.
Naangay metlaeng ditoy ti fireworks display a sinaruno ti SLU Lantern Parade.
Kagiddan dayta, impakaammo ni PCol. Ruel Tagel, City Director ti Baguio City Police Office a nasurok 1,000 ti naideploy a personnel dagitoy iti aglawlaw ti siudad kabayatan ti nasao nga aktibidad.
