BAGUIO CITY – Napasilawanen ti Giant Christmas Tree a naipasdek iti Session Road kagiddan ti panaglukat ti Christmas in Baguio idi kalman.
![](https://img.bomboradyo.com/baguio/2020/12/02.jpg)
Sigun ken ni Mayor Benjamin Magalong, ti tema ti nasao nga Christmas tree ita nga tawen ket mangipakpakita iti panagbibinnadang dagiti probinsia ditoy rehiyon ti Cordillera nangruna ita a panawen ti pandemya babaen iti simbolo ti tapis a naiparikos iti Giant Christmas Tree.
![](https://img.bomboradyo.com/baguio/2020/12/5.jpg)
Naiwaras dagiti kameng ti pulisya tapnu maipasigurado a masurot dagiti health protocols kas iti panagaramat iti face mask ken face shield kasta met ti social wenno physical distancing kadagiti dimmar-ay nga tattao a nangmatmat wenno nangbuya iti panakapasilaw ti namaris a Christmas tree ken dadduma pay a dekorasion sadiay Session Road.
Kinuna pay ni Mayor Magalong a maituloy latta ti pannakarambak ti Paskua iti siudad uray adda ti pandemya gapu ta agtaltalinaed ti ayat iti pamilia, gagayyem ken pada a tao.